Një incident ka ndodhur në hapësirën e bufesë së Radiotelevizionit të Kosovës (RTK) në Prishtinë.

Një punëtor i RTK-së dyshohet se ka sulmuar fizikisht kamarierin e bufesë, shkruan Arbresh.info.

Lajmin për Arbresh.info e ka konfirmuar zëdhënësja e Policisë për rajonin e Prishtinës, Flora Ahmeti e cila ka bërë të ditur se lidhur me rastin është ndaluar një person.

“Sot  rreth orës 19:30, kemi pranuar informatën për një rrahje në një bufe në rrugën Xhemajl Prishtina, ku kanë qenë të përfshirë dy persona. Lidhur me këtë rast në cilësinë e personit të dyshuar nga ana e policisë po intervistohet  një person, ndërkohë që personi i lënduar është dërguar për tretman mjekësor. “, konfirmoi Ahmeti.

“Pas përfundimit të intervistimit me vendim të prokurorit të shtetit personi i dyshuar dërgohet në qendrën e mbajtjes për 48h”,  shtoi ajo.

Rastin për Arbresh.info e ka konfirmuar edhe drejtori i përgjithshëm i RTK-së, Shkumbin Ahmetxhekaj./Arbresh.info/